Хонандаи синфи 9-и Гимназияи №3 барои хонандагони болаёқати шаҳри Душанбе Абдураҳмон Саидбеков дар Чемпионати ҷаҳон оид ба ҷиу-ҷитсуи бразилӣ (Absolute Championship of Brazilian Jiu-Jitsu — World Open Championship 2023) дар вазни 55 кг ғолиб омада, медали тиллоро сазовор гардид. Дар ин хусус ба АМИТ «Ховар» дар Сарраёсати маорифи шаҳри Душанбе иттилоъ доданд.

Абдураҳмон Саидбеков дар ин мусобиқа Тоҷикистонро дар байни 64 давлати ҷаҳон муаррифӣ намуд.

 Имрӯз, 16 январ Сарвазири Ҷумҳурии Тоҷикистон Қоҳир Расулзода бо муовини Президенти Комиссияи Аврупо Маргаритис Схинас мулоқот намуд, хабар медиҳад АМИТ «Ховар».

Дар мулоқот таъкид гардид, ки ҳамкории Тоҷикистон бо Иттиҳоди Аврупо дар соҳаҳои амният, нақлиёт, иқтисоду тиҷорат ва дигар самтҳо ҳамасола таҳким ёфта, рушди ҳамкорӣ бо Иттиҳоди Аврупо дар сиёсати хориҷии Ҷумҳурии Тоҷикистон афзалият дорад.

Сарвазири мамлакат кишоварзӣ, энергетика, истихроҷу коркарди канданиҳои фоиданок ва саноати бофандагиро барои равнақи ҳамкорӣ муфид арзёбӣ намуд.

Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон кадрҳоеро, ки ба вазифаҳои роҳбарикунанда дар сохторҳои молиявию бонкӣ, маориф, Академияи миллии илмҳо, кумитаҳои ҷавонон, таҳсилоти ибтидоӣ ва миёнаи касбӣ таъйин гардиданд, барои суҳбат ба ҳузур пазируфтанд.

Зимни суҳбат Пешвои миллат фаъолияти сохторҳои мазкурро пурра таҳлилу баррасӣ намуда, аз роҳбарони навтаъйин барои фаъолияти боз ҳам самараноку сифатноки ин сохторҳо масъулияту иродаи қавии роҳбарӣ талаб намуданд.

АМРИ

ПРЕЗИДЕНТИ ҶУМҲУРИИ ТОҶИКИСТОН

Шоназаров Содиқ Ашӯрович бо сабаби ба нафақа баромадан аз вазифаи мушовири калони бахши ёрдамчии Президенти Ҷумҳурии Тоҷикистон оид ба масъалаҳои ҳуқуқӣ озод карда шавад.

Президенти

Ҷумҳурии Тоҷикистон Эмомалӣ Раҳмон

ш. Душанбе

16 январи соли 2024

№АП-486

АМРИ

ПРЕЗИДЕНТИ ҶУМҲУРИИ ТОҶИКИСТОН