Шоҳасари “Тоҷикон”-и Бобоҷон Ғафуров, муҳимтарин сарчашмаи таърихӣ ва нодиртарин сарчашмаи маънавию ҳифзи арзишҳои миллӣ дар шароити таҳдидҳои замони муосир мебошад, ки дар он таърихи пайдоиш ва ташаккулёбии халқи тоҷик аз давраи қадимтарин - аввалин ҷомеаи инсонӣ дар Осиёи Марказӣ то ибтидои асри ХХ мавриди таҳқиқ қарор дода шудааст.
Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» чун ҳамеша, фарогири рӯҳияи баланди ватандӯстиву ватанпарастӣ мебошад. Таъкидҳо ва роҳнамоиҳои Президенти мамлакат, таваҷҷуҳи хосса зоҳир карданашон ба тарбияи ватандӯстонаи мардуми тоҷик моро муваззаф месозад, ки дар ин радиф иқдом ва ташаббусҳои тозаро пеш гирем. Хусусан қабули Қонуни Ҷумҳурии Тоҷикистон «Дар бораи тарбияи ватандӯстии шаҳрвандон» аз 24 декабри соли 2022 метавонад дар ин ҷода роҳнамои мо бошад.
6 феврал дар қароргоҳи Созмони умумиҷаҳонии савдо (СУС) дар шаҳри Женева бо ташаббуси намояндагиҳои доимии Ҷумҳурии Тоҷикистон ва Шоҳигарии Нидерландия мубоҳисаи «Об, иқтисод ва тиҷорат: таҳқиқи уҳдадориҳо барои Конфронси оби СММ-2023» баргузор гардид. Дар ин хусус ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Ҳамоиш барои муҳокимаи ҷанбаҳои тиҷоратӣ, сармоягузорӣ ва иқтисодии об, инчунин муаррифии натиҷаҳои фаъолияти Комиссияи ҷаҳонӣ оид ба иқтисодиёти об замина фароҳам овард.
08.02.2023. Имрӯз дар бинои Кумитаи Кумитаи телевизион ва радиои назди Ҳукумати Ҷумҳурии Тоҷикистон нишасти матбуотӣ оид ба фаъолияти Кумита ва сохторҳои зертобеъи он дар соли 2022 баргузор гардид.
Баъд аз сухани ифтитоҳии Раиси Кумитаи телевизион ва радиои назди Ҳукумати Ҷумҳурии Тоҷикистон Саид Нуриддин Саид маърӯза дар бораи натиҷаҳои фаъолияти сохторҳои кумита дар соли гузашта қироат карда шуд.
Шоми дирӯз дар меҳмонхонаи «Hayate Ragency»-и шаҳри Душанбе маросими ҷоизасупории соҳаи кор бо ҷавонон дар соли 2022, аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо иштироки ҷавонони муваффақати соҳаҳои гунонгун кишвар, баргузор гардид.
Дар назар аст, ки Ҷумҳурии Тоҷикистон 40 нафар наҷотдиҳандаро барои расонидани кумак ба мардуми зарардидаи Ҷумҳурии Туркия фиристонад. Дар ин хусус имрӯз зимни нишасти матбуотии Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба хабарнигорон иттилоъ дода шуд.
Ин дар ҳолест, ки Президенти Ҷумҳурии Тоҷикистон муҳтарам Эмомалӣ Раҳмон дастур доданд, ки мақомоти дахлдори мамлакат баҳри бартарафсозии оқибатҳои заминларзаи харобиовару маргбор дар Ҷумҳурии Туркия кумак расонанд.
Моҳи марти соли равон дар шаҳри Душанбе баргузории Форуми сармоягузории Тоҷикистон ва Русия ба нақша гирифта шудааст. Ин ва дигар масъалаҳои марбут ба густариши ҳамкории иқтисодӣ байни Тоҷикистон ва Русия, хусусан масъалаҳои марбут ба сармоягузорӣ ба иқтисоди Тоҷикистон дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон бо роҳбарияти вазорати иқтисоди Федератсияи Русия баррасӣ гардид.
Аз давраи оғози Озмуни ҷумҳуриявии «Тоҷикистон-Ватани азизи ман», яъне аз соли 2020 то 2022 дар он 8 858 нафар иштирок намуда, маҳорат санҷиданд. Дар ин хусус ба АМИТ «Ховар» дар Вазорати фарҳанги Ҷумҳурии Тоҷикистон хабар доданд.
Муассисаи давлатии «Боғи миллии Ваҳдат», ки яке аз калонтарин хоҷагиҳои кишоварзии вилояти Суғд ба ҳисоб меравад, дорои ду сардхонаи замонавӣ буда, бо мақсади таъмини бозори дохилӣ дар фаслҳои зимистону баҳор бо маҳсулоти кишоварзӣ дар онҳо асосан давоми сол сабзӣ, картошка, лаблабу, ангур, анор, олу, хурмо, биҳӣ, ангур ва себ захира карда мешавад, хабар медиҳад АМИТ «Ховар».
Ҳоло дар сардхонаи 2-и ин муассисаи кишоварзӣ 200 тонна сабзӣ нигоҳ дошта мешавад.
Дар асоси талаботи Қарори Ҳукумати Ҷумҳурии Тоҷикистон аз соли 2019 фурӯш ва азнавбақайдгирии симкортҳо дар асоси шиносномаи намунаи соли 2014 анҷом меёбад. Яъне шаҳрвандоне, ки шиносномаи намунаи соли 1996 доранд, уҳдадор шудаанд, ки чунин намуди шиносномаро то 15 феврали соли 2023 ба шиносномаи намунаи соли 2014 иваз намуда, бо он симкортҳои худро дар ширкатҳои мобилӣ аз нав ба қайд гиранд. Дар ин хусус АМИТ «Ховар» бо истинод ба Хадамоти алоқаи назди Ҳукумати Ҷумҳурии Тоҷикистон хабар медиҳад.
