Президенти Туркманистон Сердар Бердимухамедов ба Тоҷикистон ташриф овард

Submitted by admin on Thu, 14/09/2023 - 10:26

Имрӯз, 14 сентябр  Президенти Туркманистон Сердар Бердимухамедов барои иштирок дар Вохӯрии панҷуми машваратии сарони давлатҳои Осиёи Марказӣ ва ҷаласаи навбатии Шурои сарони давлатҳои муассиси Фонди байналмилалии наҷоти Арал (ФБНА) ба Ҷумҳурии Тоҷикистон ташриф овард, хабар медиҳад мухбири АМИТ «Ховар».

Дар Фурудгоҳи байналмилалии Душанбе Президенти Туркманистон Сердар Бердимухамедовро Сарвазири Ҷумҳурии Тоҷикистон Қоҳир Расулзода ва дигар шахсони расмӣ истиқбол гирифтанд.

САММИТИ ДУШАНБЕ. Давлатҳои Осиёи Марказӣ дар таҳкими ҳамкории гуногунсоҳаи минтақавӣ қадамҳои устувор мегузоранд

Submitted by admin on Thu, 14/09/2023 - 10:25

14-15 сентябри соли 2023 таҳти раёсати Президенти Ҷумҳурии Тоҷикистон муҳтарам Эмомалӣ Раҳмон дар Душанбе Вохӯрии панҷуми ҷашнии машваратии сарони давлатҳои Осиёи Марказӣ доир мешавад ва ҷиҳати иштирок дар ин чорабинии сатҳи баланд роҳбарони давлатҳои Осиёи Марказӣ ба Душанбе меоянд. Интизор аст, ки дар Вохӯрии панҷуми машваратии сарони давлатҳои Осиёи Марказӣ муҳимтарин масъалаҳои марбут ба тақвияти ҳамкории давлатҳои минтақа дар соҳаҳои афзалиятнок баррасӣ гарданд.

Имрӯз дар шаҳри Душанбе Форуми соҳибкорони ҷавони Осиёи Марказӣ баргузор мегардад

Submitted by admin on Thu, 14/09/2023 - 09:37

Имрӯз дар ҳошияи Вохӯрии панҷуми машваратии сарони давлатҳои Осиёи Марказӣ ва ҷаласаи навбатии Шӯрои сарони давлатҳои муассиси Фонди байналмилалии наҷоти Арал дар шаҳри Душанбе Форуми соҳибкорони ҷавони Осиёи Марказӣ баргузор мегардад. Дар ин хусус ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.

Дар кори Форуми соҳибкорони ҷавони Осиёи Марказӣ соҳибкорони ҷавон аз давлатҳои Осиёи Марказӣ иштирок ва табодули таҷриба менамоянд.

Дар Душанбе маросими тантанавии муаррифии маркаҳои ҷашнӣ баргузор гардид

Submitted by admin on Wed, 13/09/2023 - 10:14

Имрӯз, 12 сентябр дар Вазорати корҳои хориҷии Ҷумҳурии Тоҷикистон маросими тантанавии муаррифии маркаҳои почтавӣ, ки ба муносибати 5-солагии Вохӯрии машваратии сарони давлатҳои Осиёи Марказӣ ва 30-солагии Фонди байналмилалии наҷоти Арал ба табъ расидаанд, баргузор гардид. Дар ин хусус ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.