ДУШАНБЕ, 24.07.2025 /АМИТ «Ховар»/. 24 июл Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Президенти Федератсияи Русия муҳтарам Владимир Путин барқияи изҳори тасаллӣ ирсол намуданд, ки дар он омадааст:

“Муҳтарам Владимир Владимирович,

Хабари фоҷеаи ба ҳалокат расидани мусофирон дар натиҷаи суқути ҳавопаймои мусофирбар дар вилояти Амури Федератсияи Русия боиси андӯҳи амиқи мо гардид.

Таъзияву таслияи самимии инҷонибро ба пайвандону наздикони фавтидагон изҳор менамоем”.

ДУШАНБЕ, 24.07.2025. /АМИТ «Ховар»/. 24 июл Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо Президенти Ҷумҳурии Узбекистон Шавкат Мирзиёев суҳбати телефонӣ анҷом доданд.

Дар оғози суҳбат Сарвари давлати мо Президенти Ҷумҳурии Узбекистонро ба муносибати рӯзи таваллудашон табрик гуфта, ба ӯ саломатии бардавом, некуаҳволӣ ва дар фаъолияти давлатиашон комёбиҳо ба манфиати мардуми бародари Узбекистон орзу намуданд.

24.07.2025, шаҳри Душанбе

Муҳтарам намояндагони васоити ахбори омма,

Дӯстони гиромӣ,

Хонумҳо ва ҷанобон,

Пеш аз ҳама, бори дигар Президенти муҳтарам, ҷаноби УХНААГИЙН ХУРЭЛСУХ ва ҳайати баландпояи Муғулистони дӯстро дар Тоҷикистон хайрамақдам бигӯям.

Тоҷикистон ва Муғулистон дар давраи баъд аз барқарории муносибатҳои дипломатӣ (1992) дар ҷустуҷӯи доимии роҳҳои рушди минбаъдаи робитаҳояшон қарор доштанд.

Сафари давлатии Президенти муҳтарами Муғулистонро мо ҳамчун идомаи мантиқии ин раванд медонем.

ДУШАНБЕ, 24.07.2025. /АМИТ «Ховар»/. Пас аз анҷоми музокироти сатҳи олии Тоҷикистону Муғулистон дар Қасри миллат бо иштирок ва дар ҳузури Сарони давлатҳо маросими имзои санадҳои нави ҳамкорӣ баргузор шуд.

Президенти Ҷумҳурии Тоҷикистон муҳтарам Эмомалӣ Раҳмон ва Президенти Муғулистон муҳтарам Ухнаагийн Хурэлсух ба Изҳороти муштараки Ҷумҳурии Тоҷикистон ва Муғулистон оид ба рушди минбаъда, таҳкими муносибатҳои дӯстона ва ҳамкории гуногунҷанба имзо гузоштанд.

Ҳамчунин, 10 санади нави ҳамкорӣ ба имзо расид: