Пешвои миллат Эмомалӣ Раҳмон ба дастаи мунтахаби Тоҷикистон дар бозӣ бо Лубнон пирӯзӣ таманно намуданд
22 январ дар доираи сафари давлатӣ ба Давлати Қатар дар шаҳри Давҳа Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо ҳайати дастаи мунтахаби Тоҷикистон оид ба футбол мулоқот намуданд.
Зимни мулоқот Пешвои миллат аз футболбозон даъват ба амал оварданд, ки барои парафшонии Парчами Ватан талош намоянд.
Сарвари давлат ба дастаи мунтахаби Тоҷикистон дар бозии имрӯза ба муқобили тими миллии Лубнон пирӯзӣ таманно намуданд.